دلــــــــــ روحــي ــــع
مديرة المنتدى
عدد الرسائل: 120
المزاج: راايقــــــــــــــة
تاريخ التسجيل: 31/07/2008
 |  موضوع: من تحت لي تحت!!!!!!!  الخميس أغسطس 28, 2008 8:01 am | |
| لو تعرف الخطايا كيف كنت محروم
كان سود الليالي يوم طحت سمحت
لو هموم المفارق مثل كل الهموم
ماتشوفون عيني بالدموع سبحت
ولو تحن المشاكل عقب حب الخشوم
كان حبيت خشم المشكله واستحت
بين صدة عزيز وكبرياء مهزوم
عين شحت على وعينٍ استسمحت
بس مالله خلقني من بكاي معصوم
وادري انه المحاجر لو تفيض افضحت
والله اني على جرحي صبور وكتوم
لكن ان الدموع ان روحت روحت
اعذلتني ظروفي وانهكتني عزوم
والوجيه احزنت لي والقلوب افرحت
اشهد ان الليالي ماتعرف السلوم
قلب جافي لقاه ووجه صافي بحت
راهنتني تبلل بالدموع الكموم
ويشهد الله عليها راهنت واربحت
احرمت نور عيني من غلا ريم قوم
بذرةٍ وارتوتني واثمرت واطرحت
جادلٍ دوم ماهي مثلها كل يوم
استضاحت غموض وبالغموض اوضحت
دورت بين قلبي والهدب درب نوم
وامرحت وين مدري المهم امرحت
تنحت اسمي بقلبٍ جيت فيه معزوم
واسمها بين جلدي والعظام انحت
مثل جفني لعيني بالنعاس محكوم
كل مانمت نامت كل ماصحى صحت
ماتعارض كلامي غير عند اللزوم
بس لا قمت اسولف واندمجت سرحت
دايم ازعل عليها بس قلبي رحوم
وهي تموت بعذابي من تحت لي تحت
مثل وجه العلاقه في ثياب الخصوم
ان تطيبت طابت وان جرحت اجرحت
خصها الله بوصفٍ من خيال معدوم
لا اذان اسمعتبه ولاعيون المحت
كن ربي خلقها من بياض الغيوم
ومن كفوف السحابه بالورد القحت
عن سواها فرقها بالقمر والنجوم
وكل عذرى تباها بالجمال انزحت
بالحلا هي كوم وباقي الناس كوم
كفتٍ عادلوها بالبشر وارجحت
حسبي الله على اللي مابغاها تدوم
من بعد كيف كانت شوف كيف اصبحت
لاتحقق وصال ولا فراق محتوم
خطةٍ قربتني للفشل وانجحت
لعنة العشق تبقى مثل ضرب السهوم
لو محى الوقت جرحه صورته ما انمحت
كيف ابنسى وانا اللي من جفاف لسموم
ماحشمت العيون ولا الدموع فلحت
كانها بالحميا كل ربعي قروم
لو يلدون لاصعاب الظروف صلحت
اجزم ان كنت ياقلبي شجاع وجزوم
لد لعيون بنتٍ لا التفت الفحت
ماتهين البخيل الا يدين الخدوم
دام كف الخطايا بالجفا لوحت
نطح الباس باس ونطح اللوم لوم
وان تهدت تهد وصيح ان صيحت
ياتعيش بمعزه ياتموت محشوم
ودك ان الليالي لافعلت امدحت
عمر ضعف الاراده مايسر الرخوم
ضربت السيف لوبيدين الشجاع ذبحت
((م))
تحياتي
دلـــــــــــع^_^ _________________  اختــــــــكم دلــــــــــــــع روحي..... |
|
العمدة
نائب مدير
عدد الرسائل: 124
تاريخ التسجيل: 31/07/2008
| | موضوع: رد: من تحت لي تحت!!!!!!! الخميس أغسطس 28, 2008 2:18 pm | |
| 888888
سلم قايلها
ولا هانت ناقلتها
يعطيك الف عافيه على كثر ما سمعت القصيده
يوم قريتها الحين حسيت اني اول مره اعرفها
تشكراتي وتقبلي مروري |
|
دلــــــــــ روحــي ــــع
مديرة المنتدى
عدد الرسائل: 120
المزاج: راايقــــــــــــــة
تاريخ التسجيل: 31/07/2008
| |
زائر
زائر
| | موضوع: رد: من تحت لي تحت!!!!!!! الأحد أغسطس 31, 2008 7:47 pm | |
| يعطيك الف عافية وصح لسان الي قالها وسلمت يداك الي كتبتها
لا تحرمينا من موضوعاتك الفله هههههههه
حلوة الفله صح؟
تقبلي مروري ... |
|
شامخ
عدد الرسائل: 4
تاريخ التسجيل: 28/08/2008
| | موضوع: رد: من تحت لي تحت!!!!!!! الثلاثاء سبتمبر 02, 2008 10:48 pm | |
| كم هو جمــــــــــيل قلمك يادلع روحي وأنتي تقطفين بمحبرتك أجمل الزهور الشعريه وتنقلينها لنا وعطيك الف عافيه
تحيااتي لك شــــــامخ |
|
